Misr terma jamoasi bosh murabbiyi Husam Hassan Afrika Kubogining chorak finalidan o‘rin olgan Kot-d'Ivuarga qarshi o‘yin oldidan matbuot anjumanida ishtirok etdi.

O‘yin 10 yanvar kuni bo‘lib o‘tadi va Toshkent vaqti bilan soat 23:59 da boshlanadi.

"Bizning ambisiyalarimiz juda katta. Har bir o‘yin raqibdan qat’i nazar finalga o‘xshaydi. Kot-d'Ivuarni hurmat qilaman, chunki u amaldagi chempion va ajoyib jamoa. Lekin o‘zimizga ham ishonamiz. Men ishonadigan ajoyib o‘yinchilarim bor. G‘alaba qozonish va Misr xalqini baxtli qilish uchun avval qanday ishlagan bo‘lsak, shunday ishlaymiz. Biz ivuarliklarni birinchi o‘yinidanoq tahlil qildik va nimani kutish kerakligini bilamiz. Bizning o‘z uslubimiz bor, o‘yinga tayyormiz," - deya Xassanning so‘zlarini keltiradi CAF Online.

Mazkur chorak final g‘olibi musobaqaning keyingi bosqichida Senegal bilan to‘qnash keladi.