Gresiyaning "Olimpiakos" klubi xavbeki Xristos Muzakitis transfer bozorida xaridorgir. Bu haqda insayder Ekrem Konur ijtimoiy tarmoqlar orqali xabar bermoqda.
Jurnalistga ma’lum bo‘lishicha, 19 yoshli ijrochi xizmatiga Yevropaning bir qator klublari, xususan, "Manchester Yunayted", "Real", "Arsenal" va yana bir qancha jamoalar qiziqish bildirmoqda.
Gresiyaliklar yarim himoyachini sotishdan 40 million yevro ishlab olmoqchi. Xristosning o‘zi bu qishda jamoani tark etishga tayyor.
Muzakitisning bozor narxi 25 million yevroni tashkil etadi. Futbolchining "Olimpiakos" bilan amaldagi shartnomasi 2029 yilning yozida yakuniga yetadi.
