Грециянинг "Олимпиакос" клуби хавбеки Христос Музакитис трансфер бозорида харидоргир. Бу ҳақда инсайдер Экрем Конур ижтимоий тармоқлар орқали хабар бермоқда.
Журналистга маълум бўлишича, 19 ёшли ижрочи хизматига Европанинг бир қатор клублари, хусусан, "Манчестер Юнайтед", "Реал", "Арсенал" ва яна бир қанча жамоалар қизиқиш билдирмоқда.
Грецияликлар ярим ҳимоячини сотишдан 40 миллион евро ишлаб олмоқчи. Христоснинг ўзи бу қишда жамоани тарк этишга тайёр.
Музакитиснинг бозор нархи 25 миллион еврони ташкил этади. Футболчининг "Олимпиакос" билан амалдаги шартномаси 2029 йилнинг ёзида якунига етади.
