"Real" himoyachi Ferlan Mendi bilan xayrlashmoqchi.
Jurnalist Jorje Pikonga ko‘ra, madridliklar allaqachon fransiyalik futbolchining shartnomasi tugashidan oldin uni sotib yuborish yo‘llarini izlamoqda. "Qaymoqranglilar" futbolchi transferi bo‘yicha bir nechta taklif olgan, biroq ularning hech biri "Real" talablariga javob bermagan.
Ferlan Mendi "Real"ga 2019 yilda "Lion"dan 48 million yevro evaziga o‘tgandi. Uning madridliklar bilan shartnomasi 2028 yilning 30 iyuniga qadar imzolangan. Joriy mavsumda himoyachi "qaymoqranglilar" safida barcha musobaqalarda uchta o‘yinda maydonga tushib, samarali harakat qilmadi. Transfermarkt portali fransuzni sakkiz million yevroga baholamoqda.
