«Barselona» hujumchisi Robert Levandovski Ispaniya Superkubogi–2026 finalida «Real»ga qarshi o‘yinda gol urib, jamoasining 3:2 hisobidagi g‘alabasiga hissa qo‘shdi.

Bu gol polbshalik futbolchisi uchun «Qirollik klubi»ga qarshi bahslarda urilgan 12-gol bo‘ldi. Stats Foot ma’lumotlariga ko‘ra, ushbu ko‘rsatkich orqali Levandovski sobiq «Barselona» hujumchisi Luis Suares hamda «Atletiko» forvardi Antuan Grizmann natijasiga tenglashdi. XXI asrda «Real»ga ulardan ko‘ra ko‘proq gol urgan yagona futbolchi — Lionel Messi bo‘lib, argentinalik yulduz hisobida 26 ta gol bor.

37 yoshli Levandovski «Real»ga qarshi barcha musobaqalarda jami 18 ta o‘yin o‘tkazgan. Ushbu bahslar uchta klub safida qayd etilgan:

— «Barselona»da — 10 o‘yin, 6 gol;
— Dortmundning «Borussiya»sida — 5 o‘yin, 5 gol;
— «Bavariya»da — 3 o‘yin, 1 gol.