"Real" yanvar oyidayoq bosh murabbiyni almashtirishga qaror qildi. Dushanba kuni Madrid klubi Xabi Alonso bilan o‘zaro kelishuvga ko‘ra xayrlashganini e’lon qildi.
Bundan tashqari, "qaymoqranglilar" yangi bosh murabbiy nomini e’lon qildi - jamoani Alvaro Arbeloa qabul qilib oldi. Arbeloa butun murabbiylik faoliyatini "Real" akademiyasida o‘tkazgan. 2025 yilning yozidan boshlab Alvaro "Kastilya" yoshlar jamoasini boshqargan.
Futbolchi sifatida Alvaro Arbeloa "Real" safida 238 ta rasmiy o‘yin o‘tkazib, sakkizta sovrinni qo‘lga kiritgan.
"Real" navbatdagi o‘yinini 14 yanvar, chorshanba kuni Ispaniya kubogi 1/8 finali doirasida safarda "Albasete"ga qarshi o‘tkazadi.
