Saudiya Arabistonining "Al-Hilol" va Turkiyaning "Fenerbaxche" klublari futbolchi almashishga yaqin turibdi. Bu haqda TRT Haber xabar berdi.
Manba ma’lumotiga ko‘ra, urugvaylik hujumchi Darvin Nunyes "Fenerbaxche"ga o‘tishi, marokashlik hujumchi Yussef En-Nesiri esa "Hilol" a’zosiga aylanishi mumkin. Nunyes hozirda "Al-Hilol"da o‘zini baxtli his qilmayapti va bu transfer g‘oyasiga ijobiy qaramoqda. O‘z navbatida, Yusuf En-Nesiri Saudiya Arabistonida o‘ynash imkoniyatiga ishtiyoq bilan qaramoqda.
O‘tgan yozda "Liverpul"dan "Al-Hilol"ga o‘tgan Darvin Nunyes bu mavsum 17ta o‘yinda maydonga tushib, 7ta gol urdi va 4ta golga hammualliflik qildi. Uning hamkasbi 25 o‘yinda 8 ta gol va 1 ta golli uzatmani amalga oshirgan.
