«Andijon»ning ilk o‘rtoqlik uchrashuvidan keyin klub matbuot xizmati bosh murabbiy Samvel Babayanning bellashuv borasidagi fikrlari bilan qiziqdi.

“Ayni paytda xorijdagi tayyorgarlik jarayonining birinchi bosqichini o‘tkazyapmiz. Jismoniy holatni tiklash bo‘yicha katta ishlar amalga oshiryapmiz. Bu o‘yin jismoniy tarafdan tiklanish jarayoni qanday ketayotganini ko‘rsatib berdi. Albatta, yigitlar katta jismoniy yuklama olgan holda maydonga tushishdi.

Hamma futbolchilar pozisiyasidagi funksional vazifalarini bajarishdi. O‘yin tonusini qanday shakllantirayotganimizni ko‘rib oldik. Sifat bo‘yicha ayta olmaymanu, ammo yigitlarning o‘yinidan harqalay ko‘nglim to‘ldi.

Bu birinchi o‘yin va unda u qadar emosiya bo‘lgani yo‘q. Ijobiy holat shundaki, biz g‘alaba qozondik. Barchaga o‘ynash uchun imkoniyat yaratib berdik. 5 nafar futbolchimiz alohida dastur bo‘yicha shug‘ullanishyapti va bu uchrashuvda maydonga tushishmadi. O‘ylaymanki, keyingi uchrashuvlarda maydonga tushishadi. Tayyorgarlik jarayoni tuzib chiqilgan dastur bo‘yicha davom etyapti. Xudo xohlasa, hammasi yaxshi bo‘ladi”, - dedi Samvel Vyacheslavovich.