Vinisius Juniorning kelajagi muhokama mavzusi bo‘lib qolmoqda, chunki uning "Real" bilan amaldagi shartnomasi tugashiga bir yarim yildan kamroq vaqt qoldi.
Defensa Central xabariga ko‘ra, Vinisius kelajak haqida bir qarorga kelib bo‘lgan. Braziliyalik futbolchi har qanday holatda ham "Real"ni tark etishni istamayapti. Vinisius Madrid grandi bilan mehnat shartnomasini uzaytirishga umid qilmoqda.
«Vinisius "Real" futbolchisi bo‘lish u bilan sodir bo‘lgan eng yaxshi voqea, degan xulosaga keldi va bu tuyg‘udan voz kechmoqchi emas», - deyiladi xabarda.
Vinisius Junior 2025/2026 yilgi mavsumda 28 ta o‘yinda maydonga tushib, 6 ta gol va 8 ta golli uzatmani o‘z hisobiga yozdirib qo‘ydi.
