«Kristal Pelas» hujumchisi Jan-Filipp Mateta London klubi rahbariyatiga Turinning «Yuventus» jamoasiga o‘tishga tayyor ekanini ma’lum qildi. Bu haqda jurnalist Nikolo Skira xabar bermoqda.

Insayder ma’lumotiga ko‘ra, muzokaralar muvaffaqiyatli kechmoqda, shuning uchun fransiyalik futbolchi haftaning oxirigacha Italiya A Seriyasi klubiga qo‘shilishi mumkin. «Yuventus» ijara uchun majburiy sotib olish sharti bilan 30 million yevro to‘laydi.

Joriy mavsumda Mateta barcha musobaqalarda klub safida 33 ta o‘yin o‘tkazib, 10 ta gol urdi va ikki natijali uzatma muallifi bo‘ldi. Transfermarkt portali ma’lumotlariga ko‘ra, futbolchining bozor qiymati 40 million yevroni tashkil qiladi.