Senegal terma jamoasi asosiy yulduzi Sadio Mane Afrika Kubogida boshqa ishtirok etmasligini ma’lum qildi.
«Bu Afrika Kubogidagi so‘nggi ishtirokim ("Last dance") edi. Biroq men har doim terma jamoamizning 12-o‘yinchisi bo‘lib qolaman», — deya 33 yoshli hujumkor yarim himoyachining so‘zlarini keltirdi insayder Lorens Kyoxler ijtimoiy tarmoqlarda.
Senegal terma jamoasi Afrika Kubogi 2025 musobaqasida g‘olib bo‘ldi. Marokashda o‘tgan finalda Mane va uning jamoadoshlari musobaqa mezbonlarini 1:0 hisobida mag‘lub etishdi.
Klub darajasida Sadio Mane Saudiya Arabistonining "An-Nasr" jamoasi sharafini himoya qilmoqda. Afrikalik futbolchining klub bilan tuzgan shartnomasi 2026 yil iyun oyi oxirigacha amal qiladi.













