"Manchester Yunayted" rahbariyati vaqtinchalik murabbiy Maykl Kerrikka klubning transfer jarayonlarida ishtirok etishga ruxsat beradi. "Qizil iblislar" bosslari mutaxassis bilan uchrashuv o‘tkazib, uning yangi futbolchilarni sotib olish borasidagi qarashlarini muhokama qiladi.
Jurnalist Fabrisio Romano o‘zining ijtimoiy tarmoqlardagi sahifasida ta’kidlashicha, Kerrikka transfer qarorlarida ovoz berish huquqi beriladi. Klub murabbiy ehtiyojlaridan kelib chiqib, tarkibni kuchaytirmoqchi.
Avvalroq, "MYU" Kerrikni mavsum oxirigacha o‘z safiga qo‘shib olgani xabar qilingandi. Kelajakda klub 2026 yilning yozida jamoani boshqaradigan yangi murabbiy topishni rejalashtirgan edi.













