"Манчестер Юнайтед" раҳбарияти вақтинчалик мураббий Майкл Кэррикка клубнинг трансфер жараёнларида иштирок этишга рухсат беради. "Қизил иблислар" босслари мутахассис билан учрашув ўтказиб, унинг янги футболчиларни сотиб олиш борасидаги қарашларини муҳокама қилади.
Журналист Фабрицио Романо ўзининг ижтимоий тармоқлардаги саҳифасида таъкидлашича, Кэррикка трансфер қарорларида овоз бериш ҳуқуқи берилади. Клуб мураббий эҳтиёжларидан келиб чиқиб, таркибни кучайтирмоқчи.
Аввалроқ, "МЮ" Кэррикни мавсум охиригача ўз сафига қўшиб олгани хабар қилинганди. Келажакда клуб 2026 йилнинг ёзида жамоани бошқарадиган янги мураббий топишни режалаштирган эди.
