FIFA prezidenti Janni Infantino Senegal terma jamoasining Afrika Kubogi finali doirasida "Marokash"ga qarshi o‘yinda maydonni tark etgani haqida gapirdi.
"Biz ba’zi "muxlislar," shuningdek, ayrim senegallik futbolchilar va murabbiylar shtabining xatti-harakatlarini keskin qoralaymiz. Maydonni bu tarzda tark etish mumkin emas. O‘yin maydonini bu tarzda tark etish mumkin emas, shuningdek, bizning sport turimizda zo‘ravonlikka yo‘l qo‘yilmaydi, bu shunchaki noto‘g‘ri.
Har doim o‘yin maydonida va uning tashqarisida o‘yin hakamlari tomonidan qabul qilingan qarorlarni hurmat qilish kerak. Jamoalar maydonda va o‘yin qoidalari doirasida musobaqalashishi kerak, chunki ularga zid bo‘lgan har qanday narsa futbolning mohiyatini xavf ostiga qo‘yadi.
Jamoalar va futbolchilar mas’uliyat bilan harakat qilib, stadionlardagi muxlislarga va butun dunyo bo‘ylab millionlab tomoshabinlarga to‘g‘ri namuna ko‘rsatishlari shart.
Bugun biz guvohi bo‘lgan xunuk epizodlar qoralanishi va hech qachon takrorlanmasligi kerak. Takror aytamanki, ularga futbolda o‘rin yo‘q va Afrika futbol konfederasiyasining tartib-intizom organlari tegishli choralar ko‘rishini kutaman", - dedi Infantino.
