"Barselona" bosh murabbiyi Xans-Diter Flik La Liganing 20-turida "Real Sosyedad"ga qarshi o‘yinda (1:2) hakam haqida aytilgan Frenki de Yong so‘zlariga munosabat bildirdi.
Avvalroq kataloniyaliklar yarim himoyachisi shunday degan edi:
"Xil Mansano menga xuddi: «Men sendan ustunroqman», deb qarayotgandek tuyuldi. U o‘zini bunday tutmasligi kerak. Yamalning goli paytida ofsaydni ko‘rmadim".
Flikning so‘zlariga ko‘ra:
"Uning gaplariga qo‘shilaman. Bunga vaqt va energiya sarflamoqchi emasman.
Men hakamdan xafa emasman. Bularning barchasini hamma ko‘rdi. Biz o‘zimizga e’tibor qaratyapmiz. Ko‘proq gol urishimiz kerak edi, vaziyatlarimiz bor edi. Biz uyga ochkosiz qaytyapmiz.
O‘yin oldidan ham hakam haqida fikrlarni o‘qigan edim. Men har doim hakamlar haqida yaxshi fikr bildiraman. Ammo Frenki haq. U xotirjam inson, jamoa sardori. U maydonda, hakam bilan gaplashmoqchi, lekin bunga imkon yo‘q.
Ba’zida men ham to‘rtinchi hakam bilan gaplashgim keladi, ammo mumkin emas, bunga ko‘nikish kerak".
Yamalning ofsayd sababli bekor qilingan goli haqida Flik quyidagicha qo‘shimcha qildi:
"Bu o‘tgan mavsumda Robert Levandovskining golini ham hisobga olmagan o‘sha hakam emasmi?"
