"Tottenxem"ga qarshi o‘yinda Dortmundning "Borussiya" jamoasini oson bahs kutmayapti. Bu haqda "asalarilar" bosh murabbiyi Niko Kovach ma’lum qildi.
Mutaxassis "shporlar" ketma-ket uchta uy uchrashuvida gol o‘tkazmaganiga e’tibor qaratdi. Qolaversa, o‘yin aynan Londonda bo‘lib o‘tadi.
"Biz "Tottenxem" ilk uchta uy o‘yinini birorta ham gol o‘tkazmasdan yutganini bilamiz. Bu esa ertaga aniq oson o‘yin bo‘lmasligini anglatadi", — deya Kovachning so‘zlarini UYEFA matbuot xizmati keltirdi.
Jarohatlar va diskvalifikasiyalar masalasiga to‘xtalgan murabbiy, bunday holatlarda qaydnomadagi boshqa futbolchilar o‘z imkoniyatlariga ega bo‘lishini ta’kidladi.
