Agar "Arsenal" joriy mavsumda barcha uchta kubok musobaqasining finaliga chiqsa, jamoa 65 ta o‘yin o‘tkazishiga to‘g‘ri keladi. Bu juda og‘ir sinov, biroq Mikel Arteta buning yechimini yaxshi biladi.
Shimoliy London jamoasi ustozi Chempionlar ligasida "Inter"ga qarshi o‘yin oldidan yuqori maqsadlar qo‘yilganda ayyorliksiz iloj yo‘qligini ta’kidladi:
"Biz futbolchilar bilan ishlashda ayyorlik qilyapmiz! Navbatdagi o‘yin — mavsumdagi eng muhimi, uch kundan keyin esa yana eng muhimi bo‘ladi. Talablar shunday, kutilmalar shunday, biz jamoa va klub sifatida belgilab olgan standartlar ham shunday. Biz bu hayot tarzini quvonch, ishtiyoq va katta energiya bilan qabul qilamiz, vaziyat shuni talab qilmoqda", — dedi Arteta.
