"Andijon" sharafini ikki yil davomida munosib himoya qilgan yarim himoyachi Bektemir Abdumannonov jamoa bilan xayrlashdi.
«Futbolchi "Dinamo" klubiga transfer qilinganini ma’lum qilamiz.
Abdumannonov 2024 va 2025 yilgi mavsumlarni "Burgutlar" safida o‘tkazdi. Umumiy hisobda u "Andijon" libosida 73 ta uchrashuvda maydonga tushdi. 9 ta gol urdi va 20 ta assistni bajardi.
Biz Bektemirga jamoamizga qo‘shgan hissasi uchun minnatdorchilik bildiramiz va keyingi faoliyatiga omad tilaymiz», - deyiladi "burgutlar" matbuot xizmati xabarida.
