"Kristal Pelas" forvardi Jan-Filipp Mateta "Manchester Yunayted"ga o‘tishga umid qilmoqda.

Manbaga ko‘ra, Mateta "Manchester Yunayted"dan taklif kutmoqda va klub uni qo‘lga kiritishga harakat qilishiga umid qilmoqda. Ammo ayni damda "qizil iblislar" futbolchi uchun hech qanday rasmiy taklif bilan chiqqani yo‘q.

Avvalroq, Mateta qishki transferlar vaqtida "burgutlar" qarorgohini tark etmoqchi ekani haqida xabarlar tarqalgan edi.

Joriy mavsumda 28 yoshli fransuz 33 ta uchrashuvda 10 ta gol va 2 ta assistni o‘z hisobiga yozdirib qo‘ydi.