"Liverpul" bosh murabbiyi Arne Slot jamoaning himoya chizig‘idagi o‘yini yaxshilangani haqida gapirdi.
"Himoyadagi o‘yin yaxshilandimi? Menimcha, bu hammaga ko‘rinib turibdi. So‘nggi 13 o‘yinda mag‘lubiyatga uchramadik. Ehtimol, bu davrda faqat "Brayton"ga qarshi o‘yinda biz kutilganidan ko‘proq gol o‘tkazib yuborgandirmiz. "Marsel" bilan o‘yinda Alisson ajoyib seyvlarni amalga oshirdi - birinchi bo‘limda ikkita va ikkinchi bo‘limda bitta. Bizda dunyoning eng yaxshi darvozabonlaridan biri borligini bilamiz. Bu esa raqibning har bir zarbasi gol bo‘lmasligiga ishonch uyg‘otadi", - dedi Slot matbuot anjumanida.
"Liverpul" shanba kuni "Bornmut" mehmoni bo‘ladi.
