"Vulverxempton" xavbeki Joao Gomes Angliya Premyer-ligasini Ispaniya chempionatiga o‘zgartirishi mumkin. Bu haqda Sport.es jurnalistlari xabar berdi.
Manbaga ko‘ra, futbolchini Madridning "Atletiko" klubi o‘z safiga qo‘shib olmoqchi. "Barselona" yarim himoyachisi Mark Kasado bo‘yicha muzokaralar barbod bo‘lgach, "matraschilar" e’tiborini Gomesga qaratdi. Madridliklar braziliyalik futbolchini sotib olish uchun 40 million yevro ajratishga tayyor.
Yarim himoyachi joriy mavsum 25 ta o‘yinda qatnashib, o‘z hisobiga golli uzatma yozdirib qo‘ydi. Gomesning "bo‘rilar" bilan mehnat shartnomasi 2030 yilning yozida o‘z nihoyasiga yetadi.
