"Real"ning urugvaylik xavbeki Federiko Valverde safarda "Vilyarreal"ga (2:0) qarshi o‘yindan so‘ng OAV vakillari bilan suhbatlashdi. Yarim himoyachi jamoa darvozaboni Tibo Kurtuaning o‘tgan uchrashuvdagi o‘yinini e’tirof etdi.

"Agar Tibo darvozada bo‘lsa, bu bizning vazifamizni osonlashtiradi. Bizda ishonchli darvozabon borligini bilamiz. Biz darvozamiz oldidagi vaziyatlarni iloji boricha kamaytirishga harakat qilishimiz kerak. Himoyada juda yaxshi ishladik, bu maqtov hujumkor futbolchilarimizga ham tegishli," - deya urugvaylik futbolchining so‘zlarini keltiradi "qaymoqranglilar" matbuot xizmati.

"Real" ochkolarini 51taga yetkazib, Ispaniya La Ligasi turnir jadvalida 1-o‘ringa ko‘tarilib oldi.