AQSH terma jamoasi va Londonning "Fulxem" klubi qanot himoyachisi Entoni Robinson faoliyatini Angliya Premyer-ligasining top-klubida davom ettirishi mumkin. Bu haqda Teamtalk xabar bermoqda.
Manbaga ko‘ra, 25 yoshli chap qanot himoyachisi xizmatiga "Liverpul" qiziqish bildirmoqda. "Qizillar" Robinson nomzodini "Tottenxem"ga o‘tishi mumkin bo‘lgan Endryu Robertsonga o‘rinbosar sifatida ko‘rmoqda.
Robinson "Transfermarkt" ekspertlari tomonidan 30 million yevroga baholanmoqda. Himoyachining amaldagi mehnat shartnomasi muddati 2028 yil iyun oyi oxirida tugaydi.
Angliya Premyer-ligasining joriy mavsumida amerikalik futbolchi 11ta o‘yinda maydonga tushdi.













