«Dinamo» PFK fransiyalik himoyachi Jesa Mabepa Ayessa bilan shartnoma o‘zaro ikki tomonlama bekor qilinganini tasdiqladi.
"Jesa yanvar oyi boshida klubimiz safida Toshkentdagi yig‘inda bir necha kun ishtirok etgach, kelishuvni bekor qilishga va ortga qaytishga qaror qildi. Ikki tomon o‘zaro moliyaviy da’volari yo‘qligini bildirib, rasman xayrlashishdi. Mabapening keyingi faoliyatiga omad tilaymiz. Jamoamiz seleksiya ishlarini davom ettirmoqda", — deyiladi "Dinamo" klub matbuot xizmati tarqatgan xabarda.
Ma’lumot o‘rnida. "Dinamo" 17 dekabr kuni Jesa Mabepa Ayessa bilan bir yillik shartnoma imzolangani haqida xabar tarqatgan edi.













