"Manchester Yunayted"ning sobiq hujumchisi Ueyn Runi 25 yanvar kuni bo‘lib o‘tgan APL 23-turidan o‘rin olgan "Arsenal"ga (3:2) qarshi o‘yinda Maykl Kerrik jamoasining g‘alabasiga baho berdi.

"Manchester Yunayted"dagi o‘zgarishlar ikki o‘yinda aql bovar qilmaydi. Maykl va uning murabbiylar shtabi katta maqtovga loyiq. Ular futbolchilarga to‘g‘ri kayfiyat, diqqatni jamlash va birdamlikni singdirishdi, rostini aytganda, Ruben Amorim davrida bunday bo‘lmagan.

Jamoa "Arsenal" ustidan g‘alaba qozonishiga ishonardi. Mankunianliklar ko‘p vaziyatlar yaratmadi, ammo ular o‘yinni yaxshi nazorat qilayotgani doim sezildi.

"Arsenal" o‘yinni yaxshi boshladi, ammo "Manchester Yunayted" gol o‘tkazib yuborganida ajoyib reaksiya ko‘rsatdi. Haqli g‘alaba", - dedi Ueyn Runi.