"Манчестер Юнайтед"нинг собиқ ҳужумчиси Уэйн Руни 25 январь куни бўлиб ўтган АПЛ 23-туридан ўрин олган "Арсенал"га (3:2) қарши ўйинда Майкл Кэррик жамоасининг ғалабасига баҳо берди.
"Манчестер Юнайтед"даги ўзгаришлар икки ўйинда ақл бовар қилмайди. Майкл ва унинг мураббийлар штаби катта мақтовга лойиқ. Улар футболчиларга тўғри кайфият, диққатни жамлаш ва бирдамликни сингдиришди, ростини айтганда, Рубен Аморим даврида бундай бўлмаган.
Жамоа "Арсенал" устидан ғалаба қозонишига ишонарди. Манкунианликлар кўп вазиятлар яратмади, аммо улар ўйинни яхши назорат қилаётгани доим сезилди.
"Арсенал" ўйинни яхши бошлади, аммо "Манчестер Юнайтед" гол ўтказиб юборганида ажойиб реакция кўрсатди. Ҳақли ғалаба", - деди Уэйн Руни.
