Leverkuzenning "Bayer" klubi o‘z safiga "Borussiya" Myonxengladbax darvozaboni Yonas Omlinni qo‘shib oldi. Bu haqda "dorishunoslar" klubi matbuot xizmati xabar berdi.
Leverkuzenliklar 32 yoshli shveysariyalik futbolchini joriy mavsum yakuniga qadar ijaraga oldi. Ma’lumot uchun, joriy mavsumda Omlin birorta o‘yinda maydonga tushmadi.
Shveysariyalik futbolchi "Borussiya" safida 2023 yildan buyon to‘p tepib kelmoqda. U 36 ta o‘yinda qatnashib, 63 ta to‘p o‘tkazib yuborgan.
Germaniya chempionatining 18-tur yakunlariga ko‘ra, "Bayer" 32 ochko jamg‘arib, turnir jadvalida oltinchi o‘rinda bormoqda.
