Леверкузеннинг "Байер" клуби ўз сафига "Боруссия" Мёнхенгладбах дарвозабони Йонас Омлинни қўшиб олди. Бу ҳақда "доришунослар" клуби матбуот хизмати хабар берди.
Леверкузенликлар 32 ёшли швейцариялик футболчини жорий мавсум якунига қадар ижарага олди. Маълумот учун, жорий мавсумда Омлин бирорта ўйинда майдонга тушмади.
Швейцариялик футболчи "Боруссия" сафида 2023 йилдан буён тўп тепиб келмоқда. У 36 та ўйинда қатнашиб, 63 та тўп ўтказиб юборган.
Германия чемпионатининг 18-тур якунларига кўра, "Байер" 32 очко жамғариб, турнир жадвалида олтинчи ўринда бормоқда.
