Londonning "Arsenal" klubi bosh murabbiyi Mikel Arteta jamoasining urilgan gollari ko‘rsatkichi haqida o‘z fikrlarini bildirib o‘tdi.
"Kanonirlar" Premyer-liganing 23-turidan keyin 42 ta gol urdi. Londonliklar ajoyib sermahsullik bilan ajralib turmaydi, ammo "Manchester Siti"ni 4 ochkoga ortda qoldirib, hamon turnir jadvalida peshqadamlik qilmoqda.
"Biz gollar statistikamiz yaxshiroq bo‘lishini istaymiz, ammo bu ko‘rsatkich bo‘yicha eng yaxshi jamoadan unchalik ortda emasmiz, deb o‘ylayman. Biz hamma narsada birinchi bo‘lishni xohlaymiz, ammo statistikani o‘zimiz va futbolchilarimiz uchun foydali tarzda talqin qilish muhim," - dedi Arteta matbuot anjumanida.
