Germaniya terma jamoasining sobiq hujumchisi Miroslav Klozening fikricha, uning jahon chempionatida urilgan gollar soni bo‘yicha rekordi tez orada yangilanadi.
Germaniyalik futbolchi to‘rtta jahon chempionatida ishtirok etib, jami 16 marta gol urgan. Amaldagi futbolchilar orasida eng yaqin ta’qibchilar Lionel Messi (13) va Kilian Mbappe (12) hisoblanadi.
"Ishonchim komilki, tez orada jahon chempionatidagi gollar bo‘yicha rekordimni yangilashadi. Yoki bu ishni 2026 yilda Messi, yoki Mbappe 2026 yoki 2030 yilda amalga oshiradi. Men Leoning ashaddiy muxlisiman va unga o‘ynashda davom etishini tilayman. Mbappe ham aql bovar qilmas iste’dod egasi. Umid qilamanki, ikkalasi ham sog‘lom bo‘lib, o‘zlarining darajasini ko‘rsatishadi. Hali ham menda eng yaxshi statistika bor va men yarim finalda to‘rt marta o‘ynagan yagona futbolchiman," - deya Klozening so‘zlarini keltiradi Bild.
Lionel Messi 2022 yilda Qatarda, Mbappe 2018 yilda Rossiyada, Kloze esa 2014 yilda Braziliyada bo‘lib o‘tgan mundialda jahon chempioni bo‘lgandi.
