"Real" bosh murabbiyi Alvaro Arbeloa Chempionlar Ligasi guruh bosqichidan o‘rin olgan "Benfika"ga (2:4) qarshi o‘yindagi mag‘lubiyat haqida gapirdi.
"Agar siz o‘yin ikki hujumchi (Vinisius va Mbappe) yetarlicha yugurmagani uchun shunday bo‘ldi, deb hisoblasangiz, men bunga mutlaqo qo‘shilmayman.
Biz o‘yinning murakkabligi, raqibning talablari, muhit, raqibning motivasiyasi va o‘zimizning maqsadlarimizni hisobga olgan holda o‘zimiz ko‘rsatmoqchi bo‘lgan darajamizdan yiroq edik.
O‘ylaymanki, 90 daqiqa davomida kerakli darajadagi o‘yin ko‘rsata olmadik. Biz ko‘p ish qilishimiz kerakligini bilardik va hali ko‘p ish qilishimiz kerakligini tushunamiz.
Bunday o‘yinda g‘alaba qozonish uchun bitta emas, ko‘p narsani yaxshi bajarish kerak va buni 90 daqiqa davomida bajarish kerak," - dedi Alvaro Arbeloa.
