"Barselona" Yevropa Chempionlar Ligasi musobaqasining joriy mavsumida umumiy hisobda 5-o‘rinni egalladi. O‘tgan mavsumda "blaugrana" 2-o‘rinni egallagan edi.

Turnir yangi formatga o‘tganidan keyin ikkala mavsumda ham murabbiy Xans-Diter Flik boshchiligidagi "Barsa" La Liganing boshqa vakillarini ortda qoldirdi.

"Real" o‘tgan mavsumda 11-o‘rinni, joriy mavsumda esa 9-o‘rinni egalladi. "Atletiko" bir yil avval umumiy bosqichni 5-o‘rinda yakunlagan bo‘lsa, endi 14-o‘rinda bormoqda.

O‘tgan mavsumda "Jirona" pley-offga chiqa olmagandi. Joriy mavsumda "Atletik" va "Vilyarreal" umumiy bosqichdayoq ishtirokini yakunladi.