"Milan"ning sobiq darvozaboni braziliyalik Nelson Dida yangi murabbiy Massimiliano Allegri kelishi bilan klubda ro‘y bergan o‘zgarishlarni juda yuqori baholamoqda. U himoyaning kuchaytirilganini ham qayd etdi.
"Pavlovich, Gabbiya va Tomori ham taktik, ham texnik jihatdan qo‘shib berishdi. Ular raqibga nisbatan tajovuzkorroq o‘ynashni, shu bilan birga, qoidani buzmaslikni o‘rganishdi. Endi raqib hujumchilariga "Milan"ga qarshi o‘yin oldingidan ancha qiyin bo‘ldi", - deya Didaning so‘zlarini keltiradi Italiyaning La Gazzetta Dello Sport nashri.
Italiya chempionatining navbatdagi turida "Milan" "Bolonya"ga qarshi bahs olib boradi.
