"Atletiko" forvardi Aleksander Syorlot Ispaniya chempionatining 22-turidan o‘rin olgan "Levante"ga qarshi o‘yinda jarohat olib, maydonni zambilda tark etdi.
Voqea Valensiyadagi o‘yinning 24-daqiqasida sodir bo‘lgan. Norvegiyalik futbolchi va "Levante" himoyachisi Matias Moreno to‘p uchun kurashda o‘zaro to‘qnashib ketdi. Tibbiy yordam ko‘rsatilgandan so‘ng, Syorlot maydondan zambil yordamida olib ketildi. Uning o‘rnini Xulian Alvares egalladi. Moreno ham uchrashuvni davom ettira olmadi.
Joriy mavsumda 30 yoshli norvegiyalik hujumchi "Atletiko" safida barcha musobaqalarda 29 ta o‘yinda maydonga tushib, 10 ta gol urgan.
