Myunxenning «Bavariya» jamoasi bosh murabbiyi Vensan Kompani Germaniya Bundesligasining 2025/2026 yilgi mavsumi 20-turida «Gamburg»ga qarshi o‘yinda qayd etilgan durang (2:2) haqida izoh berdi.

— Oson o‘yinlar bo‘lmaydi. Bugun bizni qiyin safar uchrashuvi kutayotganini bilardik, chunki oson raqiblar yo‘q. O‘yin davomida tanaffuslar juda ko‘p bo‘ldi, shuning uchun oxirida yana bemalol 25 daqiqa qo‘shish mumkin edi. Bu bizning eng yaxshi o‘yinimiz emas edi, ammo haqiqiy Bundesliga o‘yini bo‘ldi, chunki har ikki jamoa ham yuqori intensivlik namoyish etdi. Bugun yigitlarim oxirigacha kurashdi. So‘nggi 20 kun ichida biz yettita o‘yin o‘tkazdik. Natijada bu mag‘lubiyat emas, durang. Keyin esa biz har doim qilgan ishimizni qilamiz — maydonda javob qaytaramiz, — deya murabbiy so‘zlarini klubning rasmiy sayti keltiradi.

Ushbu o‘yindan keyin «Bavariya» 51 ochko bilan turnir jadvalida peshqadam bo‘lib turibdi.