Мюнхеннинг «Бавария» жамоаси бош мураббийи Венсан Компани Германия Бундеслигасининг 2025/2026 йилги мавсуми 20-турида «Гамбург»га қарши ўйинда қайд этилган дуранг (2:2) ҳақида изоҳ берди.
— Осон ўйинлар бўлмайди. Бугун бизни қийин сафар учрашуви кутаётганини билардик, чунки осон рақиблар йўқ. Ўйин давомида танаффуслар жуда кўп бўлди, шунинг учун охирида яна бемалол 25 дақиқа қўшиш мумкин эди. Бу бизнинг энг яхши ўйинимиз эмас эди, аммо ҳақиқий Бундеслига ўйини бўлди, чунки ҳар икки жамоа ҳам юқори интенсивлик намойиш этди. Бугун йигитларим охиригача курашди. Сўнгги 20 кун ичида биз еттита ўйин ўтказдик. Натижада бу мағлубият эмас, дуранг. Кейин эса биз ҳар доим қилган ишимизни қиламиз — майдонда жавоб қайтарамиз, — дея мураббий сўзларини клубнинг расмий сайти келтиради.
Ушбу ўйиндан кейин «Бавария» 51 очко билан турнир жадвалида пешқадам бўлиб турибди.













