Bugun, 1 fevral kuni, Angliya Premyer-ligasining 2025/2026 yilgi mavsumi 24-turi doirasida «Tottenxem Xotspur» hamda «Manchester Siti» jamoalari o‘rtasida uchrashuv bo‘lib o‘tadi.

Bellashuv Londondagi «Tottenxem Xotspur» stadionida o‘tkaziladi. Uchrashuvning bosh hakami — Robert Jons. Bahs Toshkent vaqti bilan 21:30 da boshlanadi.

Angliya — Premyer-liga. 24-tur
1 fevral 2026 yil, yakshanba. 21:30
«Tottenxem Xotspur» (London) — «Manchester Siti» (Manchester)
«Tottenxem Xotspur»: Vikario, Dregushin, Palinya, Simons, Bissuma, Udodji, Grey, Romero, Solanke, Gallaxer, Kolo Muani.
«Manchester Siti»: Donnarumma, Nunes, Xusanov, Gexi, Ait-Nuri, Rodri, Silva, O’Rayli, Semenyo, Sherki, Xoland.

Angliya Premyer-ligasining 23 turidan keyin «shporlar» 28 ochko jamg‘arib, turnir jadvalida 14-o‘rinni egallab turibdi. «Shaharliklar» esa 46 ochko bilan ikkinchi pog‘onada joylashgan.

25-turda «Tottenxem» 7 fevral kuni «Manchester Yunayted»ga qarshi maydonga tushadi, «Manchester Siti» esa 8 fevral kuni «Liverpul» bilan bahs olib boradi.