Saudiya Arabistonining «Al-Hilol» klubi hujumchi Karim Benzemaning ehtimoliy transferi bo‘yicha «Al-Ittihod»ga murojaat qildi. Bu haqda jurnalist Sasha Tavolyeri X ijtimoiy tarmog‘ida xabar berdi.

«Al-Ittihod» futbolchining transferi uchun kamida €25 mln talab qilmoqda, fransuz forvardi esa 2027 yil iyunigacha mo‘ljallangan shartnoma tuzishni istamoqda. Benzemaning «Al-Ittihod» bilan amaldagi mehnat shartnomasi 2026 yil 30 iyungacha amal qiladi.

Avvalroq futbolchi klub bilan shartnomani uzaytirishdan bosh tortgani va qishki transfer oynasida «Al-Ittihod»ni tark etishi haqida xabarlar tarqalgan edi. Shuningdek, futbolchiga Turkiyaning «Beshiktosh» klubi ham qiziqish bildirmoqda.

Joriy mavsumda Benzema «Al-Ittihod» safida barcha musobaqalarda 21 ta o‘yin o‘tkazib, 16 ta gol urdi. Transfermarkt portali ma’lumotlariga ko‘ra, futbolchining transfer qiymati €6 mlnni tashkil qiladi.