«Real» bosh murabbiyi Alvaro Arbeloa muxlislarning hushtakbozliklariga izoh berdi. Yakshanba kungi o‘yinda «Real» tanaffusga chiqib ketayotganda, jamoa hisobda oldinda bo‘lishiga qaramay, muxlislar futbolchilarni hushtaklar bilan kuzatishdi.
«Muxlislarning hushtakbozliklari? Men “Bernabeu”dagi tomoshabinlarni hurmat qilaman, lekin har doim ulardan jamoani qo‘llab-quvvatlashni so‘rayman», — dedi Arbeloa.
«Real» «Rayo Valyekano»ni 2:1 hisobida mag‘lub etdi, g‘alaba goli ikkinchi taymga qo‘shib berilgan daqiqalarda urildi. Jamoa jadvalda ikkinchi o‘rinda, «Barselona»dan bir ochko orqada. 8 fevralda «Real» «Valensiya» bilan mehmonda o‘ynaydi.
