«Реал» бош мураббийи Альваро Арбелоа мухлисларнинг ҳуштакбозликларига изоҳ берди. Якшанба кунги ўйинда «Реал» танаффусга чиқиб кетаётганда, жамоа ҳисобда олдинда бўлишига қарамай, мухлислар футболчиларни ҳуштаклар билан кузатишди.
«Мухлисларнинг ҳуштакбозликлари? Мен “Бернабеу”даги томошабинларни ҳурмат қиламан, лекин ҳар доим улардан жамоани қўллаб-қувватлашни сўрайман», — деди Арбелоа.
«Реал» «Райо Вальекано»ни 2:1 ҳисобида мағлуб этди, ғалаба голи иккинчи таймга қўшиб берилган дақиқаларда урилди. Жамоа жадвалда иккинчи ўринда, «Барселона»дан бир очко орқада. 8 февралда «Реал» «Валенсия» билан меҳмонда ўйнайди.
