Saudiya Arabistonining "Al-Ahli" klubi hujumchisi Ayven Toni nima uchun jamoadan ketishni istamayotgani haqida gapirdi. Avvalroq futbolchini Angliya Premyer-ligasining bir necha klublari, shuningdek, Turinning "Yuventus" klubi o‘z safiga qo‘shib olishga urinib ko‘rgan edi.
"Men hozirda hammasi yaxshi ekanini his qilyapman va Saudiya Arabistonida gol urishda davom etar ekanman, ehtimol, jahon chempionati qaydnomasiga kirish uchun ko‘proq imkoniyatga ega bo‘laman. Bu ligada gol urish men uchun oson emas, qiyin. Ammo bunday jamoada o‘ynashim menga imkoniyat beradi," - deya Tonining so‘zlarini keltiradi Daily Mirror.
Joriy mavsumda 29 yoshli hujumchi barcha musobaqalarda 28 ta o‘yinda maydonga tushib, 26 ta gol urdi va 8 ta golli uzatmaga mualliflik qildi.
Eslatib o‘tamiz, jahon chempionati - 2026 kelasi yozda AQSH, Kanada va Meksikada bo‘lib o‘tadi.
