"Manchester Siti" yarim himoyachisi Rodri "Tottenxem"ga (2:2) qarshi o‘yinni sarhisob qildi.

Xosep Gvardiola jamoasi tanaffusga qadar 2:0 hisobida oldinda borayotgandi, ammo ikkinchi bo‘limda ustunlikni boy berdi.

"Biz ko‘prog‘iga loyiq edik. Afsuski, so‘nggi o‘yinlarda ikkinchi bo‘limda o‘yinni nazorat qila olmayapmiz. Raqib har doim javob qaytarishi mumkin.

Hakamlar birinchi gol bilan bog‘liq vaziyatda qo‘pol xatoga yo‘l qo‘yishdi - uni hisobga olib bo‘lmasdi. Menimcha, bu bizga juda qattiq ta’sir qildi. Biz sodir bo‘lgan voqeadan saboq olishimiz kerak," - deya Rodrining so‘zlarini keltiradi City Xtra.