Fransiya chempionatining 2024-25 yilgi mavsumdagi eng yaxshi assistenti Gaetan Perren faoliyatini "Lill"da davom ettiradi. Bu haqda Perren joriy mavsumni o‘z safida boshlagan "Krasnodar" klubi matbuot xizmati xabar bermoqda.
Perren "Krasnodar" safida 20 ta o‘yinda maydonga tushib, 2 ta gol urgan va 4 ta golli uzatmani amalga oshirgan. 29 yoshli futbolchining Transfermarkt portalidagi narxi 6 million yevroni tashkil qilmoqda.
"Krasnodar"dan tashqari, Perren Liga 2 g‘olibi bo‘lgan "Oser"da, o‘zi tarbiyalangan "Lion"da, shuningdek, Fransiyaning quyi ligalarida "Orlean"da o‘ynagan.













