Fransiyalik hujumchi Kristofer Nkunku yana gol urdi — bu voqea «Milan» 3:0 hisobidagi yirik g‘alaba bilan yakunlagan «Bolonya»ga qarshi o‘yinda yuz berdi. Futbolchi baxtli ekanini va barcha mish-mishlarga qaramay, klubdan ketish haqida hatto o‘ylab ham ko‘rmaganini ta’kidladi.
«Bu faqat mening shaxsiy muvaffaqiyatim emas, biz g‘alaba uchun barchamiz birgalikda ishlayapmiz. Men hech qachon «Milan»ni tark etishni o‘ylamaganman. Bu yerda baxtliman va aynan shu klub uchun o‘ynashni istayman», — deya Nkunkuning so‘zlarini keltirmoqda pianetamilan.it.
Eslatib o‘tamiz, ma’lum vaqt davomida Nkunkuni Turkiya chempionatiga o‘tishi haqida xabarlar faol tarqalgan edi. U o‘tgan yilning yozida Londonning «Chelsi» klubidan «Milan»ga ko‘chib o‘tgan va hozirgacha Italiya chempionatida beshta gol urishga ulgurdi.
