Germaniyaning "Kyoln" klubi Angliyaning "Brayton" jamoasidan yarim himoyachi Said el-Malani sotib olish bo‘yicha tushgan taklifni rad etdi. Bu haqda "Bild" nashri xabar bermoqda.

Manba bergan ma’lumotlarga ko‘ra, "Brayton" Germaniya yoshlar terma jamoasi a’zosi uchun bonuslarni hisobga olmaganda 25 milliondan 30 million yevrogacha to‘lashga tayyor edi, biroq rad javobini oldi. APL klubi ushbu nemis iste’dodiga, hatto u Bundesligada debyut qilmasidan oldin qiziqish bildirgan edi. Ta’kidlash joizki, "Kyoln"ning rekord sotuvi 29 million yevroga teng.

Dekabr oyida El-Mala qishki transfer oynasidan keyin ham "Kyoln"da qolishini tasdiqlagan edi.

"Bundesligada bir nechta gol urganingizdan so‘ng, boshqa klublar darhol qo‘ng‘iroq qila boshlaydilar. Bu mening o‘yin darajamning yoqimli tasdig‘i, ammo men bor e’tiborimni "Kyoln"dagi ishtirokimga qaratganman", — deb ta’kidlagan edi o‘shanda futbolchi.

Joriy mavsumda yarim himoyachi 22 ta o‘yinda maydonga tushib, 7 ta gol va 3 ta golli uzatmani o‘z hisobiga yozdirib qo‘ydi.