"PSJ" yarimhimoyachisi Fabian Ruis Ispaniyaga qaytishi mumkin.
ESPN xabariga ko‘ra, 29 yoshli futbolchini "Real" o‘z safiga qo‘shib olmoqchi. Madrid klubi rahbariyati xavbekning ehtimoliy transferi borasida ichki muzokaralar olib bordi.
Fabian Ruis 2022 yilda "Napoli"dan 22 million yevro evaziga "PSJ"ga o‘tgandi. Uning shartnomasi 2027 yilning 30 iyuniga qadar imzolangan.
Joriy mavsumda yarim himoyachi Parij klubi safida barcha musobaqalarda 24 ta o‘yinda maydonga tushib, 2 ta gol urdi va 3 ta golli uzatmani amalga oshirdi. Transfermarkt portali Ruisni 40 million yevroga baholamoqda.













