"ПСЖ" яримҳимоячиси Фабиан Руис Испанияга қайтиши мумкин.
ESPN хабарига кўра, 29 ёшли футболчини "Реал" ўз сафига қўшиб олмоқчи. Мадрид клуби раҳбарияти хавбекнинг эҳтимолий трансфери борасида ички музокаралар олиб борди.
Фабиан Руис 2022 йилда "Наполи"дан 22 миллион евро эвазига "ПСЖ"га ўтганди. Унинг шартномаси 2027 йилнинг 30 июнига қадар имзоланган.
Жорий мавсумда ярим ҳимоячи Париж клуби сафида барча мусобақаларда 24 та ўйинда майдонга тушиб, 2 та гол урди ва 3 та голли узатмани амалга оширди. Transfermarkt портали Руисни 40 миллион еврога баҳоламоқда.













