Londonning «Tottenxem» klubi sport direktori Yoxan Lange klubning yozgi transfer rejalari haqida ma’lumot berdi.
«Biz yozgi transfer oynasiga katta ambisiyalar bilan kirib boryapmiz. Rejalar tuzib bo‘lingan va biz qaysi pozisiyalarni kuchaytirishimiz kerakligi hamda bizga qanday futbolchilar zarurligi haqida aniq tasavvurga egamiz», — deya funksionerning so‘zlarini keltiradi jurnalist Fabrisio Romano.
Angliya Premyer-ligasining 24 turidan so‘ng «Tottenxem» 29 ochko jamg‘argan holda turnir jadvalida 14-o‘rinni egallab turibdi.
Shanba kuni, 7 fevral kuni Tomas Frank shogirdlari safarda «Manchester Yunayted» bilan o‘yin o‘tkazishadi. Bahs Toshkent vaqti bilan soat 17:30 da boshlanadi.
