"Fulxem" hujumchi Rikardo Pepini sotib olish bo‘yicha muzokaralarni qayta boshladi. Bu haqda insayder Fabrisio Romano o‘z ijtimoiy tarmoqlarida xabar berdi.

Manba bergan ma’lumotga ko‘ra, amerikalik futbolchi to‘p surayotgan Niderlandiyaning PSV klubi transfer oynasining so‘nggi kunida munosib o‘rinbosar topa olmagani sababli uni qo‘yib yuborishdan bosh tortgan. Endi "Fulxem" rahbariyati o‘yinchini kelayotgan yozda o‘z safiga qo‘shib olmoqchi.

Joriy mavsumda 23 yoshli futbolchi 22 ta o‘yinda ishtirok etib, 11 ta gol urdi va 2 ta golli uzatmani amalga oshirdi. Transfermarkt portali Pepining narxini 15 million yevroga baholamoqda, londonliklar esa u uchun 37 million yevro taklif qilishgan.