"Фулхэм" ҳужумчи Рикардо Пепини сотиб олиш бўйича музокараларни қайта бошлади. Бу ҳақда инсайдер Фабрицио Романо ўз ижтимоий тармоқларида хабар берди.
Манба берган маълумотга кўра, америкалик футболчи тўп сураётган Нидерландиянинг ПСВ клуби трансфер ойнасининг сўнгги кунида муносиб ўринбосар топа олмагани сабабли уни қўйиб юборишдан бош тортган. Энди "Фулхэм" раҳбарияти ўйинчини келаётган ёзда ўз сафига қўшиб олмоқчи.
Жорий мавсумда 23 ёшли футболчи 22 та ўйинда иштирок этиб, 11 та гол урди ва 2 та голли узатмани амалга оширди. Transfermarkt портали Пепининг нархини 15 миллион еврога баҳоламоқда, лондонликлар эса у учун 37 миллион евро таклиф қилишган.
